Предыдущая Следующая

') "В лето 6415 (907). Иде Олег на Грены Игоря оставив Кыеве; пояже множьство Варяг, и Словен, и Чюди, и Кривичи, и Мери, и Поляны, и Северо, и Деревляны, и Радимичи, и Хорваты, и Дулебы, и Тиверци... си вся звахуться Великая Скуфь. И с семи всеми приде Олег на конех и в кораблех и бе числом кораблии 2000. И приде к Царюграду, и Греци замкоша Суд, а город затвориша. И вылезе Олег на берег, и повеле воем изъволочити корабля на берег, и повоева около города, и много убийство створи Греком, и полаты многы разбита, а церкви пожьгоша; а их же имяху полоняникы, овех посехату, другые же мучаху, иные же разстреляху, а другые в море вметаша, и ина много зла творяху Русь Греком, елико же ратний творять. И повеле Олег воем своим колеса изъделати и въставити корабля на колеса; и бывшю покосну ветру, успяша пре с поля, и идяше к городу. Видевше же Греце убояшася и ркоша, выславше по Олгови: "не погубли город, имемъся по дань, якоже хочеши". И стави Олег вой, и вынесоша ему брашна и вино, и не прия его; бе 6о

устроено с отравою. И убояшася Греце и ркоша: "несть се Олег, но святый Дмитрий, послан на ны от Бога". И заповеда Олег дань даяти на 2000 кораблий, по 12 гривне на человека, в корабли по 40 мужь; няшася Греци по се, и почаша Греци мира просити, дабы не воевать Грецькой земли. Олег же мало отступив от города, нача мир творити с царема Грецькыми, с Леоном и с Александром, после к нима в город Карла, Фарлофа, Велмуда, Рулава и Стемида, глаголя: "имете ми ся по дань". И ркоша Греце: "чего хочете и дамы ти". И заповеда Олег дати воем на 2000 кораблей, по двенадцать гривне на ключь, и потом даяти уклады на Рус кие городы: первое на Киев, таже и на Чернигов, и на Переяслав, и на Полътеск, и на Ростов, и на Любечь, и на прочая городы; по тем бо городом седяху князья под Ольгом суще... Царь же Леон с Олександром мир створиста с Ольгом, имъшеся по дань и роте заходивше межи с собою, целовавше сами крест, а Ольга водиша и мужей его на роту; по Рускому закону кляшася оружьем своим, и Перуном богом своим, и Волосом скотьим богом, и утвердиша мир. И рече Олег: "исшийте пре наволочить: Руси, а Словеном кропийныя", и бысть тако; и повесиша щиты своя на вратех, показующе победу, и поиде от Царяграда. И въспяша Русь пре паволочитые, а Словене кропийныя, и раздра я ветр, и ркоша Словене: "имемъся своим толъстинам, не даны суть Словеном пре кропийныя". И приде Олег к Киеву, неся золото, и паволокы, и овощи, и вина всяко узорочье; и празваша Ольга вещий: "бяху бо людие погани и невеголоси". ПСРЛ, т. I, стр. 12. Почти этими же словами описан Олегов поход в Первой Софийской летописи, стр. 95 и в летописи Никоновской, т. I, стр. 29. См. также: Карамзин, История, т. I, стр. 130; Устрялов, Русская история, издание четвертое, СПб., 1849, т. I, стр. 38 — 39, и Арцыбашее, Повествование о России. М., 1843, т. I, стр. 21.


Предыдущая Следующая